شروط الاستخدام

شنو هو وصل

وصل تطبيق لتسجيل حسابات المولدات الأهلية: المشتركين والأسعار والفواتير والدفعات والوصولات. وصل ما يحتفظ بفلوس ولا يحوّلها. الدفعات، ومنها التحويل لحساب زين كاش أو كي أو الحساب البنكي لصاحب المولدة، تكون بين المشترك وصاحب المولدة، ووصل بس يسجّل اللي يبلّغونه بيه.

منو يكدر يستخدمه

لازم يكون عمرك 18 سنة أو أكثر، أو عندك موافقة ولي أمرك. كل شخص حساب واحد، ولا تشارك تسجيل دخولك ويا أحد.

شنو ممنوع ترسله

الطلبات والإشعارات وملاحظات الدفع وصورها توصل لناس ثانيين. لا ترسل محتوى مسيء:

وصل يرفض الرسائل اللي بيها كلمات مسيئة واضحة.

• السب أو التحرش أو التهديد أو الكراهية.
• المحتوى الجنسي أو العنيف.
• أي شي مخالف للقانون، ومنه الاحتيال أو بيانات شخص ثاني.
• الرسائل المزعجة، أو انتحال شخصية أحد.
• صورة دفع مو إلك أو معدّلة.

التبليغ والحظر

• بلّغ عن إشعار أو طلب أو دفعة من نفس العنصر بالتطبيق (تبليغ). نراجع كل تبليغ ونتصرف خلال 24 ساعة.
• المشترك يكدر يفك ربط المولدة بأي وقت (المزيد › خطوطي) ويوقف توصله إشعاراتها.
• صاحب المولدة يكدر يحظر الحساب اللي ورا طلب أو دفعة: ينفك ربطه وما يكدر يربط أو يطلب أو يرسل دفعات لهاي المولدة.
• وتكدر تكتبلنا على support@hasanain.dev.

شنو نكدر نسوي

نكدر نشيل المحتوى اللي يخالف هذه الشروط، ونوقف أو نحذف الحسابات اللي ترسله أو تسيء استخدام الخدمة.

سجلاتك

سجلات المولدة تعود لصاحبها، وهو المسؤول عن صحتها وعن حقه بالاحتفاظ ببيانات مشتركينه. احتفظ بنسخة إلك (الإعدادات › صدّر كل البيانات).

بدون ضمان

وصل يُقدَّم مثل ما هو. نشتغل حتى يبقى شغّال وبياناتك بأمان، بس ما نكدر نضمن ما يتعطل أو يغلط أبداً. وبحدود ما يسمح القانون، ما نتحمل الخسائر الناتجة عن استخدامه.

التغييرات

إذا غيّرنا هذه الشروط نحدّث التاريخ الجوة، وإذا التغيير مهم نبلّغك بالتطبيق. لأي سؤال: support@hasanain.dev.