احذف حسابي
تكدر تحذف حسابك في وصل وكل بيانات المولدات اللي تملكها من داخل التطبيق، بأي وقت.
من التطبيق
- افتح وصل وسجّل دخول.
- روح على «المزيد» ثم «الحساب».
- اضغط «احذف حسابي» وأكّد.
- إذا حسابك بيه بريد، اكتب الرمز اللي يوصلك عليه حتى نتأكد إنه حسابك.
شنو ينحذف
- حسابك، وكل بيانات المولدات اللي تملكها: المشتركين والتسديدات والوصولات والمصاريف، من خوادمنا فوراً.
- تنفصل عن المولدات اللي تشتغل بيها كجابي أو مشغّل.
شنو يبقى
- البيانات اللي على موبايلك تبقى على الموبايل لحد ما تحذف التطبيق.
- نسخة بسجل الاسترجاع التلقائي لقاعدة البيانات، لمدة أقصاها 30 يوم، وبعدها تنمسح وحدها.
- الوصولات اللي انرسلت بالواتساب أو انطبعت تبقى عند اللي استلمها.
بدون التطبيق
إذا ما تكدر تفتح التطبيق، ارسل من نفس البريد المسجل بحسابك إلى support@hasanain.dev بعنوان «احذف حسابي». نتأكد إن الحساب إلك ونحذفه خلال 30 يوم كحد أقصى، ونرد عليك لمن يخلص.
إذا كنت مشترك
إذا تريد تمسح بياناتك من سجلات صاحب المولدة، اطلب منه يحذفك من التطبيق. سجلات المولدة ملك صاحبها.